ఒక భార్గవి

నేను షికాగో లో అడుగు పెట్టినదగ్గరనుండీ, అక్కడ ఏ ఏ మ్యూజియమ్స్ ఉన్నాయో  చూడటానికి వెతుక్కుంటున్నా. షికాగో ఆర్ట్ మ్యూజియమ్ చాలా పెద్దదనీ, చాలా పెయింటింగ్స్ వున్నాయనీ చెప్పారు. ఎలా వెళ్లాలీ? యెవరిని తోడు తీసుకువెళ్లాలి అని ఆలోచిస్తుంటే మా అబ్బాయి ఫ్రెండ్ కోమల ఒక ఆదివారం తను వచ్చి తీసుకువెళతానంది. అనుకున్నట్టుగానే ఏప్రిల్ 30 2023 వ తారీఖు ఆదివారం కోమల వచ్చి ఆర్ట్ మ్యూజియమ్ కి తీసుకు వెళ్లింది. మ్యూజియమ్ కి ఇరుపక్కలా రెండు సింహాల  శిల్పాలు ఠీవిగా నుంచుని కనిపించాయి. కారు దిగుతుండగానే వర్షపు చినుకులతో కూడిన చల్లని గాలి పలకరించింది. మేము వెళ్లి టికెట్లకోసం క్యూ లో నిలుచున్నాం,ఈ లోపు మా అబ్బాయి ఫ్రెండ్ అశ్విన్ వాళ్లమ్మ గారు రాధ గారు వచ్చి కలిశారు. ఈ ఊళ్లో అంతా ఆవిడ నాకు తోడు మంచి కంపెనీ. టికెట్లిచ్చే అమ్మాయి మాకు చాలా తక్కువ ధరకే టికెట్లిచ్చింది. ఇక్కడ చాలా సార్లు ఈ ఉదారత చూశాను ముఖ్యంగా మ్యూజియమ్స్ లో మనం సీనియర్ సిటిజన్సమనో, వేరే దేశం వాళ్లమనో,యేదో ఒక వంకతో కన్సెషన్లిస్తూ వుంటారు. భలే మంచి విషయం కదా! అయితే మేము వెళ్లిన సమయంలో సాల్వడార్ డాలీ రిట్రాస్పెక్టివ్ జరుగుతోంది.దానికి మాత్రం టికెట్ అద